L'Audienzia 1- Terroristas 0
Ya ye prou de que ista chen s'arriga d'España. Guei l'Audienzia Nazional ha feito bien en dixar que ixe mardano de Juana Chaos muera en a garchola. Por ixo bi ha chen, partius, que quieren fer disparexer l'Audienzia Nazional, que ye uno d'as pocas ferramientas independiens que tiene l'Estau ta concarar a os terroristas y os suyos amigos. Porque si bi ha una cosa esclatera d'iste afer De Juana, ye que o gobierno de zETAp nomás ye umanitario con os terroristas.
Como tot poder totalitario, faxista o neofaxista, l'autual gobierno d'o PSOE, como l'anterior y anteriors, ye en a nezesidat de reescribir de cutiano a istoria. Manipular, mentir, creyar buenos y dolens como l'agana, pasando con muito as mugas d'a fizion orwelliana. Ye una estratechia de guerra con l'unico ochetibo de l'asimilazión, de que renunziemos a os nuestros prenzipios, balors y dreitos, d'a integrazión de toz en o suyo sistema.
2 comentarios
Baixo_aragones -
que ye lo que quieres fer, quieres arreguirte-ne quiere recullir os botos d'os fablan que no son aragonesistas agora que has parau cuenta de que no tiene cosa que bier l'aragones con l'aragonesismo?
per q no fablas de pulitica lingüistica?
berenguer d'entenza -
O pirineo contra o caziquismo.
Primer Fago, dimpués Yesoro, dimpués Castiello....