Feba tiempos

Problemas en Blogia han feito que no aiga puesto escribir. Ye l'unico problema d'as teunolochias que de begadas disparixen y mos dixan sin poder ni fablar, ni escribir. Han pasau tantas cosas istos diyas en España que cuasi no bi ha espazio ni tiempo. Asinas que dixaremos pasar o tiempo d'os suenios, mientres beyemos como fan como si estasen chuzgando a os culpables de l'11-M cuan tota la chen sabe que no ye asinas. 

Ya sabemos que ni l'explosiu yera l'explosiu, ni os pobres trapicheros que son chuzgando podioron creyar ixa masacre que crebó a bida de cuasi 200 presonas y con ella a democrazia d'o país nuestro. Mientres chugamos tamién a fer santo a Otegi, l'etarra que chuga a no ficar bombas explosibas pero si dialeuticas an ha aconseguiu alzar a l'estau de dreito que beye entre impotén y consintién como Otegi ba creyando diya a diya a posibilidat d'a independenzia d'una rechión española.

A o menos a soziedat zibil encara ye zereña y se manifiesta y reclama a berdat y dize, y piensa. Iste ye o mayor tresoro que tiene España. Y tamién estará a zaguera esfensa. A o tiempo. 

Charrando de soziedat zibil, ya prenzipian a dar-nos bella carta de naturaleza. En Charrando ya amanixemos como blog en aragonés. 

Fan a mofla a l'Estau de Dreito

Dezibamos que quereban destruir l'audienzia nazional. Pero ye que quieren destruir, crebar, tot o que l'Estau de dreito sinnifica. Bi ha una lei, pero bella chen, ayer arroclada chunto a o presidente rechional basco, no quiere que se rispete ixa lei. Dica aquí tot correuto. Siempre n'abiu de leis que beluns no quieren rispetar, por exemplo, a lei d'educazion autual con o proyeuto de "Educación para la ciudadanía" o la lei de l'aborto. O problema biene cuan o gobierno fa caso d'ixas chens, y mesmo se carraña con os chuezes por que quieren fer cumplir a lei. 

Asinas que tenemos una chen que no quiere cumplir a lei, y un gobierno que refirma a os que no quieren cumplir a lei. Ista ye a España que tenemos. A España que mos dixa iste Gobierno que amanexió en o poder con as bombas de l'11-M en a capital. A lei ye ta cumplir-la. Sigas o no basco. Pero ye una cosa que toda ista chen no repleca. Son prou sargutas ta no sentir-se amenazaus. Saben o que pasará. Quieren enzetar un nuebo prozeso con os terroristas y remanirán firmes, a penar d'as bombas y d'os muertos. 

 

Y agora nomás una cosa d'os comentarios que me'n dixan. Me pregunta un que no dize o suyo nombre: 

"per q un ultraderechista como tu escribe en aragones? "

Y yo contesto...Porque m'agana. Ye que l'aragonés nomás pueden charrar-lo os ninos independentistas? Me creigo que no. Ye de más...Grazias tenebas que dar que bi aiga chen que no siga como tu (politicamen) que charre ista fabla cuasi muerta por a identificazión que s'ha feito aragonés=aragonesista. De cosa, mozé. 

L'Audienzia 1- Terroristas 0

Ya ye prou de que ista chen s'arriga d'España. Guei l'Audienzia Nazional ha feito bien en dixar que ixe mardano de Juana Chaos muera en a garchola. Por ixo bi ha chen, partius, que quieren fer disparexer l'Audienzia Nazional, que ye uno d'as pocas ferramientas independiens que tiene l'Estau ta concarar a os terroristas y os suyos amigos. Porque si bi ha una cosa esclatera d'iste afer De Juana, ye que o gobierno de zETAp nomás ye umanitario con os terroristas.

Como tot poder totalitario, faxista o neofaxista, l'autual gobierno d'o PSOE, como l'anterior y anteriors, ye en a nezesidat de reescribir de cutiano a istoria. Manipular, mentir, creyar buenos y dolens como l'agana, pasando con muito as mugas d'a fizion orwelliana. Ye una estratechia de guerra con l'unico ochetibo de l'asimilazión, de que renunziemos a os nuestros prenzipios, balors y dreitos, d'a integrazión de toz en o suyo sistema.

Os royos contra o desembolique

Guei que sabemos que ZP perdería as eleuzions. Guei, que una begada más beyemos como zETAp se reune con a resta de partius democraticos, porque toz sabemos que o PP no ye democratico (ironía). Guei, que ta una cosa buena que quiere fer o gobierno de Marcel.lí Esglesies en Aragón. Guei, os royos nuestros, ixa chen que nomás sabe que quitar banderas estranias con estels royos, de colors rarizos como o morau y con ferramientas d'o campo como falzes y martiellos, ixos, os royos nuestros, surten a la carrera ta demandar que Aragón no desembolique o suyo poder estratechico. Ta tirar as oportunidaz d'os que salen d'a unibersidat y no pueden quedar-se en Aragón. Guei toca chilar contra la OTAN, como fa 20 añadas, porque no saben fer atra cosa. Contra os americans y o PP. Asinas combaten o desembolique de España, que en reyalidat ye o que quieren fer. Fer d'España un pais terzermundista achustau con os suyos amigos o Gorila Venezolano, o Moribundo de Cuba y l'indiecito boliviano. Por ixo lis fa tanto goyo que REPSOL se quede sin puesto an fer negozio. Lis fa tanto goyo que Zaragoza se quede sin una oportunidat istorica como a base de l'OTAN, por ixo. O que de berdat quieren ye que toz bibamos como Albania. Ixo en o millor d'os casos. Me fa que lo que de berdat quieren ye que tornemos ta o Pauto de Barsobia...Uh uh uh...Polacos...a Moscú.

Tornando con una mica de fama y bellas amenazas.

Fa tiempos que no escribiba. Obligazions laborals. Cosas que fer. Guei m'ha gritau un amigo ta dizir-me que amanixeba en o Periodico de Aragón. Diz que me nombran en o suplemento teunolochico. Cal fer una aclarazión, sin dembargo. Yo no soi de Villarapa, ixe bico de Zaragoza tan luen de Zaragoza que cuasi podeba estar Navarra. Encara que si que en boi muito. Asinas que ya puedo dizir que he dau o salto a la fama. No tanto como ixos que agora parixen l'Espirito Santo. Tot o diya en os meyos. Permach, Barrena y Otegi. A Santis(i)ma Trinidat. En fin, que no quereba yo ficar-me en politiqueos barios. Ta ixo tos recomiendo millor "Libertad Digital " que ye l'unico meyo libre de toda España. Ya dizen que son d'informazión y opinión. Porque no se amagan dezaga d'o maniqueismo normal d'a prensa. Como tampoco no se amagan os filloz d'os batasunos d'aquí. 

 

"ojala te mueras macho.... no das mas asko porke no puedes... y te lo digo en castellano.... la lengua de tu puto pais!!! ESPAÑA DE MIERDA...... ENTALTO ARAGON LIBRE!!!!! YA VALE DE ESPAÑOLISMO DE MIERDA!!!!"

Ixo me dizen en os comentarios. En o castellano que ye una d'as luengas d'o nuestro país. Ye normal que no pleguen ta cosa ista chen. Nomás dizir entalto y ya creyen que son aragonesistas de "toda la vida". As luengas no saben de mugas, y millor si no sabesen de politica tampoco no.

 

Pero tampoco no ye muito millor iste atro comentario: "negros, moros , chitans, chudios y españols!! españols esterilizazión! españols t'a camara de gas!!"

No cal ser aleman ta ser nazi. Dimpués me dizirán facha. Seguro. Cosas veredes, amigo Sancho.

Por zierto, que m'han rezentau bella coseta de Fablogs , que dizen que ye un adibidor de blogs en aragonés. Cosa estrania. Con os poquez blogs en aragonés que bi ha, y o mio no amanixe. Será que as fablas si que están politica. O no.

Cal firmeza. Cal berdat. Cal España.

En primeras deziban suspensión. Agora ya dan por crebau ixo que deziban "proceso". Pero no fa a declarazión o maximo responsable d'o que ETA fazió l'atro diya. O presidén d'o Gobierno ha de amanixer por bel puesto ta dezir o que ya toz sabebamos d'antis. Que no se puede fablar con os terroristas. Os matachíns. Os asesins. A chen que nomás quiere crebar o nuestro país. Con istos no cal atra cosa que no siga firmeza y chustizia y polizia. Y l'exerzito si cal. QUe ya ye prou de aizions umanitarias difuera d'as nuestras mugas cuan tenemos un problema más grau en l'interior d'o país nuestro. "Mano dura". Prou de tobas politicas contra o terrorismo y os asesins. Merexen ixo y más as dos presonas que son baxo as enrunas. Y tamién os mil muertos que ETA ha feito en toda a suya istoria de terror. Tos dixo con un sobregueno articlo ta leyer. A miseria d'o progresismo y con un deseyo. Que toz os que estiemos ayer en as plazas d'o conzello continemos refirmando a berdat, España y a libertat por denzima de siglas politicas. Ixa ha d'estar a nuestra aizión ta iste año que nomás prenzipia. Encara que prenzipia mal.

Conzentrazión

Guei en Zaragoza, Uesca, TEruel, Calatayud, en toz os conzellos españoles bi ha conzentrazión contra ETA y o gobierno. Conboca l'Asoziazión de Bitimas d'o Terrorismo, que ye qui ripresenta o dolor d'os que han sentiu en as carnes o terror y o dolor d'as bombas y os tiros. Concarando as burlas y o disprezio d'o gobierno, as bitimas son as representans d'a firmeza contra o terrorismo. Bi seremos en o conzello, refirmando ixo en o que creyemos, que o gobierno ye responsable a o menos subsidiario de l'atentau d'o sabado. Encara continan rechirando entre as enrunas os cuerpos d'os dos inmigrans muertos. A penar d'o que o gobierno no ha dito encara que son muertos. Agora lis tornan a pesar os muertos en a capeza.

Queremos saber a BERDAT

An son toz os que pediban "Berdaz" a o gobierno d'o PP? Por qué no fan o mesmo agora cuan o gobierno amaga a muerte de dos pobres mozez qué a saber o mal que eban feito contra "a identidat nazional basca". Queremos saber a BERDAT! Pero d'o 11-M tamién, y de l'atentau d'o sabado que mos fazió o morro clo a toz os españols. Más que más a os que sabebamos que dialogar con os terroristas no leba enta garra puesto.

 

GOYOSO 2007 sin zETAp

ETA NO. Rendizión TAMPOCO NO.

A la fin ya han feito o que quereban. Tornar a ficar una bomba, ista begada en a capital d'o país. A penar d'as conzesións d'o (des)gobierno de ZP aquí tenemos o risultau. A penar d'as albertenzias d'as bitimas o gobierno nazional ha quiesto fer a pantomima d'una negoziazión. ETA como denunziaba o PP nunca no ha quiesto dixar as armas. En o mio nombre no. No quiero negoziazión. No quiero dialogo. ETA NO. Agora cal reautibar toz os trastes de l'estau ta fer que ETA desaparexca.

Aragón-Chile (2)

Ganó Aragón contra una colla d'amigos chilens. Y profés que estioron os de siempre. Yo beyié o partiu por a tele, un trozet nomás. Chusto cuan beyié as bandieras independentistas, os chilos contra españa y os españols. ¿Como se puede chilar contra tu mesmo, os tuyos amigos y familiars? Ya pasó. Ista chen nunca no pararán cuenta que son cuatro y que nunca no plegarán ta dengun puesto. O caso ye que ya se remató a payasada y agora cal continar triballando y fendo posibles ta que España contine entadebán a penar d'istos que mos gobiernan. A la fin, la gran mayoría d'os aragoneses se sienten españols, asinas que no cal alticamar-se. NOmás recomendar a istos de la estrel roya que se'n baigan a puestos an lis arreguirán as grazietas. Puestar Barzelona, an no podrán ni fablar en español o a Bilbao, an abrán de baxar-se corriendo d'os buses pa no rematar cremaus.

Aragón-Chile

Guei chuga a seleuzion rechional aragonesa un partido que ye una bergüeña. Fan apolochía d'o independentismo, creyen que Aragón puestar bella cosa más que una rechión de España y guei quieren fer bandiera d'ixo. Qui ha feito isto ye o conzellero nazionalista Luis Pastor, ye esclatero. Menos mal que o PSOE encara conserba bella dinnidá y no ha quiesto refirmar dende o gobierno rechional ista payasada.

Aragón nomás que tiene una seleuzión, a que ripresenta a toz os españols.